Минусовка «Бяседа – Родная хата 2».

 

1. у гэтым жыцці з яго звонам і гулам,
калі ты стаміўся ад доўгіх дарог,
адзіны на свеце ты знойдзеш прытулак,
заўжды прывітае бацькоўскі парог.
прыпеў:
родная хата, няхай небагата,
родная хата, такая, як ёсць.
родная хата і ў будні, і ў свята
сустрэне заўсёды, хоць сын ты ці госць.

2. калі тут бываеш, то многа не трэба,
тут дыхаць лягчэй, тут і сэрцу цяплей.
заўжды адшукаецца хлеб і да хлеба
і добрае слова для добрых людзей.

3. куды б ні кідаўся ў тлумных патрэбах
і дзе б ні заснуў ля чужых берагоў,
няхай табе сніцца бацькоўскае неба
і матчынай казкі маленства твайго.