Минусовка «Бяседа – Мужанёк-памочнік».

 

1
Сонейка на небе грэе, прыпякае.
Салавейка ў полі весела спявае.
А я ў садочку ляжу пад дубочкам,
Жонка мяне лае, дамоў не пускае.
2
Я ж нібыта пчолка дзянёк не прысяду,
Усюду я паспею, усё зраблю да ладу.
Ты ж гультай на печы грэееш сабе плечы,
А калі паклічу, усё варон ты лічыш.
3
А я табе, жонка, дапамог паснедаць.
У талерках пуста, ці ж табе не ведаць.
З’еў я сала пудзік, аж вырваўся гузік,
Пакуль еў, змарыўся і спаць паваліўся.
4.
Ой, ты, мой міленькі, ад такой падмогі
Толькі засталося працягнуць мне ногі.
Без мяне, ці чуеш, хутка засумуеш,
Што ж рабіць ты станеш, як мяне не стане.
5
А я цябе, мілка, тады пахаваю
І, напаўна, з тыдзень трошкі паўздыхаю.
А пасля знайду я сабе маладую,
Каб мяне кахала, смачна частавала.

---

Текст добавил(а): белая галка